[夜宵磨] 最近大台既節目，喚醒左我宵夜既重要性! (夏日露肉期就完嘛，大條道理放縱下啦) 反正都係喇，唔肥仔都唔擺落口啦！
份子雪糕，果間Lxx Made你實食過啦！(你實會問，份子雪糕，不外乎噴下煙咁，有乜特別?) 雖然我身型生到成部相機咁，不過絕唔係話砌得靚小小我就會高8度咁話。。好打意呀！味道都係好緊要既！就叫杯rocky road試下！
一黎度，係咁噴煙，如果有多啦A夢既縮小電筒 (係呀！我扮細呀，所以棍打我都係叫佢多啦A夢咖喇！) 我就可以企係個雪糕上面扮開演唱會既opening! Anyway扯得太遠添！個店員好溫馨咁提示我要等陣先好食呀，可惜，心急既我既急不及待放入口。。。點知。。。衰左！痴實左我個口！！
算！樣衰左我就等下！慢慢d煙就散開(放心我唔係講緊鬼故), 姐係食得啦！咬落去其實我都唔知自己食緊乜，雪糕既味道，但又一粒粒咁喎，棉花糖又唔知點解會係脆既！搞到我都分唔到邊舊係雪糕邊粒係花生邊件係棉花糖！不過認真講，如果你本身好中意Dxxyers既rocky road既，麻煩你即刻落街截的士過黎！因為呢個認真係好食好多！
其實佢既盆栽蛋糕都好得咖，真係好似盆栽，不過係呢個凡事厄like既年代，唔夠爆囉！
Sense Dessert Cafe
佐敦廟街286—294華至大廈地下6—8號舖
Search